Bori janga

Boro Itiyopits beyiru ash naarotsitse ikoni. Ayiyidek’t bodaatseyiru Benishangul Gumuzi Guurots wotat Metekel zoniyotse Bulenn, wombern, Dabas’on, Daangur k'orotsa. K’oshonu Metekeln Gilgel kitotse ando aani Asoson, Asosi kitotsno ayiyidek’ fa’ano. Wotowabakonmo koni etets ashi naaronton aaknor maneyat shiimeyat beyiru ash naarno. Botaawonu 2007 awuropots naton taawetsok’on Benishangul gumuzi guurotse beyiru Borots taawo 60,587 bodka. Borots keewiru nooni naarono Borna eta etefo. Manu Omotikiya. Borots koni etets ashi naarok'o botooki nemonat teron detsfno. Ariyosh Maats de'ewo, duun duuko, doow isho, shar kisho, sheer daamiyo, taskaro, eenashmon mooshewonat manewon Bori nemotsitse badotsi.

Borots botooki fideliyo k’aniyidek’t danosh wotit mas’afotsi k’aniyidek’t dano imeyiruwok'onat ímo tuwehako tatsnatok’o bodre. Han baar b’wotefero ganmaatsotssh mas’afo k’aniyidek’ botookish danr botooko bowoniyituwok’o, bonaanawots dano bo’aayiyyituwok’o dano íma ímeyir. Eshe fiineyiru fiin hanotsi aakor beede’e s’íílr k’úmo it daatsituwok’o, sheeletso b’beyalo kaatso it ímish websayitiyano k’eshere.