Boro Itiyopits beyiru ash naarotsitse ikoni. Ayiyidek’t bodaatseyiru Benishangul Gumuzi Gúúrots wotat Metekel zoniyotse Bulenn, wombern, Dabas’on, Daangur k'orotsa. K’oshonu Metekeln Gilgel kitotse ando aani Asoson, Asosi kitotsno ayiyidek’ fa’ano. Wotowabakonmo koni etets ashi naaronton aaknor maneyat shiimeyat beyiru ash naarno. Botaawonu 2007 awuropots naton taawetsok’on Benishangul gumuzi guurotse beyiru Borots taawo 60,587 bodka. Borots keewiru nooni naarono Borna eta etefo. Manu Omotikiya. Borots koni etets ashi naarok'o botooki nemonat teron detsfno. Ariyosh Mááts de'ewo, duun duuko, doow isho, shar kisho, sheer daamiyo, taskaro, eenashmon mooshewonat manewon Bori nemotsitse badotsi.
Borots botooki fideliyo k’aniyidek’t danosh wotit mas’afotsi k’aniyidek’t dano ímeyiruwok'onat ímo tuwehako tatsnatok’o bodre. Han báár b’wotefero ganmáátsotssh mas’afo k’aniyidek’ botookish danr botooko bowoniyituwok’o, bonaanawots dano bo’aayiyyituwok’o dano íma ímeyir. Eshe fiineyiru fiin hanotsi aakor beede’e s’íílr k’úmo it dáátsituwok’o, shééletso b’beyalo káátso it ímish websayitiyano k’eshere.
